O’zbek adabiyotining mashhur namoyandalaridan biri G’afur G’ulom mamlakatni himoya qilish haqidagi tantanavor she’rlar, o’tmish sarqitlarini qoralovchi hajviyalar va xalqning kundalik ijodiy mehnatini olqishlovchi asarlar muallifi. U 60 yillik yubileyi munosabati bilan «O’zbekiston xalq shoiri» faxriy unvoniga sazovor bo’lgan (1963). 2000 yilda esa Vatan oldidagi unutilmas xizmatlari uchun unga «Buyuk xizmatlari uchun» ordeni berildi.
O’zbek adabiyotining mashhur namoyandalaridan biri G’afur G’ulom 1903 yil 10 mayda Toshkent shahrining Qo’rg’ontegi mahallasida tavallud topdi. To’qqiz yoshida otasidan, o’n besh yoshida onasidan yetim qolgan G’afur avval eski maktabda, so’ngra rus-tuzem maktabida ta’lim oldi. U Oktyabr to’ntarishidan keyingi yillarda muallimlar tayyorlov kursini bitirib, yangi usuldagi maktablarda o’qituvchilik qildi. 1923 yildan bolalar uyida mudir va tarbiyachi, so’ng «Kambag’al dehqon», «Qizil O’zbekiston», «Sharq haqiqati» gazetalari muharririyatlarida ishladi. Gazeta uning uchun dorilfunun rolini o’tadi, xalq hayotini o’rganish, unga faol aralashish yo’lida muhim vosita bo’ldi.
Uning mamlakatni himoya qilish haqidagi tantanavor she’rlari, o’tmish sarqitlarini qoralovchi hajviyalari va xalqning kundalik ijodiy mehnatini olqishlovchi asarlaridan jamlangan «Dinamo» va «Tirik qo’shiqlar» nomli dastlabki she’riy to’plamlari 1931—1932 yillarda chop etildi.

Shoir 1930—1935 yillarda «Ko’kan» dostonini, «To’y», «Ikki vasiqa» balladalarini yaratdi. Biroq, shoirning bir qator she’rlari, xususan, biz ko’p yillar jamoalashtirish mavzuidagi yirik asar deb maqtab kelgan «Ko’kan» dostoni hozirgi davr talablari darajasida emasligi sezilib qoldi. Jumladan, unda boshdan-oyoq maqtalgan jamoalashtirish siyosati ma’lum ijobiy natijalari qatorida cheksiz zulm-fojealarga ham sabab bo’lganligi bor bo’yicha realistik ifodalanmagan. Uning partiya, Vatan, Lenin, Oktyabrь haqidagi she’rlarida ham zamonasozlik mayllari sezilib turadi. Shu tufayli shoir ijodi bugungi kunda tanqidiy yondoshishni taqozo etadi.
To’g’ri, adib barhayot davridayoq shaxsga sig’inish ta’sirida yaratilgan ayrim asarlarini qayta ko’rib chiqqan.Xuddi shu hol uning «Kuzatish», «Sen yetim emassan» she’rlariga ham xos bo’lib, ular ham adib tomonidan qayta ishlangan.
Ayrim misralarni yangidan yozib, she’rga tabiiylik va hayotiylik bag’ishlagan. Jumladan, «Sog’inish» she’rining avvalgi nusxasidagi:

Bog’da tovus kabi xiromon bo’lib,
Umid danagini birga ekingiz.
G’olib kelajakni sayr qilaylik...
To’rtligining so’nggi misrasi:
Mushfiq onaginang bilan ikkimiz, -


deb o’zgartirilgan. Natijada she’r bir butun, tugal va hayotiy ma’noga ega bo’lgan. Eng muhimi, g’afurona falsafa o’z badiiy ifodasini topgan. Xuddi shu hol uning «Kuzatish», «Sen yetim emassan» she’rlariga ham xos bo’lib, ular ham adib tomonidan qayta ishlangan.

30-yillarda G’afur G’ulom hikoya, ocherk, felьetonlar qatori «Netay», «Yodgor», «Tirilgan murda» kabi qissalarini ham yaratdi.
Urush yillarida shoir o’z ijodining butun haroratini fashist bosqinchilariga qarshi kurashayotgan xalqqa qaratdi, uning muqarrar g’alabasiga ishonch ruhi bilan sug’orilgan she’rlar yaratdi. U «Sen yetim emassan», «Kuzatish», «Vaqt», «Sog’inish» kabi she’rlar, publitsistik ocherk va maqolalar yozib, xalqni jang va mehnat g’alabasiga otlantirdi.
G’afur G’ulom urushdan keyingi yillarda ham adabiyot janrlarining ko’pgina turlarida samarali qalam tebratib, yuksak badiiy asarlar yaratdi, publitsistika va adabiyotshunoslikka oid qator ajoyib maqolalarini e’lon qildi. Uning ijodi xalq hayotining shu davrdagi o’ziga xos yilnomasi o’laroq namoyon bo’ldi. Agar G’afur G’ulom bu davrda she’riy asarlari bilan faylasuf shoir darajasiga ko’tarilgan bo’lsa, «Shum bola» qissasi, «Mening o’g’rigina bolam» singari hikoyalari bilan xalq turmushi va ruhini yaxshi biluvchi mohir nosir ekanligini namoyish etdi.

Ulug’ Vatan urushi yillarida shoir o’z ijodining butun haroratini fashist bosqinchilariga qarshi kurashayotgan xalqqa, uning muqarrar g’alabasiga bag’ishladi. U «Sen yetim emassan», «Oltin medal», «Kuzatish», «Vaqt», «Sog’inish» kabi she’rlarini ijod qildi, publitsistik ocherk va maqolalar yozib, xalqni jang va mehnat g’alabasiga otlantirdi. So’nggi yillarda G’afur G’ulomning 20 ga yaqin she’riy to’plamlari chop etildi. Ayniqsa, shoirpning «Kuzatish», «Sen yetim emassan», «Qish», «Bizning ko’chada ham bayram bo’lajak», «Vaqt», «Onalar» singari asarlarida dunyo xalqlarini fashizm vabosidan xalos etgan jangchilarimning mardona kurashlari tasvirlangan.
G’afur G’ulom urush yillarida yozilgan she’rlaridan jamlangan «Sharqdan kelayotirman» to’plami uchun 1946 yili Ittifoq Davlat mukofotiga sazovor bo’ldi. Adibga vafotidan so’ng «Lenin va Sharq» mavzusidagi asarlari uchun Lenin mukofoti (1973) berildi. G’afur G’ulom o’z davrida «Hurmat belgisi» (1944), uch marta «Mehnat Qizil Bayroq» ordeni (1937, 1951, 1961), Lenin ordeni (1949), medallar va faxriy yorliqlar bilan taqdirlangan. U O’zbekiston Fanlar akademiyasining a’zosi (1943) edi. 60 yillik yubileyi munosabati bilan unga O’zbekiston xalq shoiri faxriy unvoni berildi. Shoirning ko’pgina asarlari qardosh xalqlar, Osiyo va Yevropa tillariga tarjima qilingan.

FAOLIYATI
30-yillarda G’afur G’ulom hikoya, ocherk, fel’etonlar qatori «Netay», «Yodgor», «Tirilgan murda» kabi qissalarini ham yaratdi. Urush yillarida shoir o’z ijodining butun haroratini fashist bosqinchilariga qarshi kurashayotgan xalqqa bag’ishladi, uning muqarrar g’alabasiga ishonch ruhi bilan sug’orilgan she’rlar yaratdi. U «Sen yetim emassan», «Kuzatish», «Vaqt», «Sog’inish» kabi she’rlar, publitsistik ocherk va maqolalar yozib, xalqni jang va mehnat g’alabasiga otlantirdi.
G’afur G’ulomning o’zbek xalqi orasida topgan hurmatu ehtiromi, u topgan izzat-ikromni anglash uchun uning quyidagi satrlarini o’qishning o’zi kifoya:
“A’lo mamlakatning a’lo farzandi, Bilib qo’yki seni Vatan kutadi”. Bu misralar barchaga yoshligidanoq yod bo’lib ketgan oltin misralardir.
G’afur G’ulom o’zbek tarjima maktabining maydonga kelishiga ham ulkan hissa qo’shgan. U «Otello», «Qirol Lir» singari jahon va rus adabiyoti durdonalarini o’zbek tiliga katta mahorat bilan o’girgan.
G’afur G’ulom O’zbekiston Fanlar akademiyasining haqiqiy a’zosi (1943) edi. Unga 60 yillik yubileyi munosabati bilan O’zbekiston xalq shoiri faxriy unvoni berilgan (1963).
Shoirning ko’pgina asarlari Osiyo va Yevropa xalqlari tillariga tarjima qilingan.
O’zbek she’riyatining otashin jarchisi, ulkan so’z san’atkori G’afur G’ulom 1966 yil 10 iyulda Toshkentda vafot etgan. Vafotidan so’ng «Buyuk xizmatlari uchun» ordeni bilan mukofotlangan (2000).